ПАНҶ. Дар доираи Соли шинохти бештари манфиатҳои миллӣ. Мулоқоти кормандони Кумитаи иҷроияи Ҳизби Халқии Демократии Тоҷикистон дар ноҳияи Панҷ дар маҳаллаи Сулҳ доир гардид.
Масъулон зимни баромад ҷиҳати пешгирии бемории сироятии коронавируси навъи COVID-19, самаранок ва оқилона истифода бурдани қитъаҳои замини наздиҳавлигӣ, масъалаи давати ҷавонон ба сафи Артиши миллӣ ва дар қалби онҳо бедор намудани ҳувияти миллӣ бобати ҳифзи марзу буми меҳан корҳои фаҳмондадиҳӣ гузаронида, дар охир ба сокинони маҳалла ниқобҳои тиббӣ, варақаҳои иттилоотӣ барои пешгирӣ кардани бемории коронавирус дастрас карда, таъкид намуданд, ки бо риояи талаботи беҳдоштӣ аз коронавирус эҳтиёт бошанд.
