ДАНҒАРА. Дар доираи Соли шинохти бештари манфиатҳои миллӣ. Кормандони Кумитаи иҷроияи ҲХДТ дар ноҳияи Данғара оид ба самаранок истифодабарии заминҳои наздиҳавлигӣ ва пешгирӣ аз паҳншавии бемории сироятии коронавирус корҳои фаҳмондадиҳиро дар маҳаллаҳои ҳудуди ноҳияи Данғара гузаронида истодаанд.
Зимни баргузории мулоқот ба сокинон оид ба риояи ҳатмии қоидаҳои беҳдоштӣ, аз ҷумла дар ҷойҳои серодам бо худ ниқоб доштан, риояи масофаи байниҳамдигарӣ, риояи қоидаҳои ҳатмии шахсӣ ва дуруст истифодабарии заминҳои корам, аз ҷумла ба роҳ мондани кишти такрорӣ дар заминҳои кишоварзӣ ба мардум муроҷиат намуда, як қатор тавсияҳои судмандро пешниҳод карданд.
