Ҷ.БАЛХӢ. Дар доираи Соли шинохти бештари манфиатҳои миллӣ. Дар ташкилотҳои ибтидоии ҳизбӣ ва маҳаллаҳои Ҷамоатҳои шаҳраку деҳоти ноҳияи Ҷалолиддини Балхӣ оид ба пешгирӣ аз бемории сироятии коронавирус навъи COVID-19 бо иштироки кормандони масъули ҳизбӣ пайваста корҳои фаҳмондадиҳӣ гузаронида мешавад. Бо ин мақсад дар Ҷамоати деҳоти Фрунзе Аксияи ҳизбӣ оид ба пешгирии коронавирус гузаронида шуд. Масъулин дар рафти суҳбат бо сокинон вобаста ба пешгирии паҳншавии бемории сироятӣ, инчунин оид ба корҳои созандагиву ободонӣ, захираи маводи хӯрока бо истифодаи заминҳои корам дар заминҳои наздиҳавлигӣ ва хоҷагиҳои ёрирасон ибрози андеша намуда, сокинонро ба меҳнати софдилона ва риояи қоидаҳои беҳдоштӣ раҳнамоӣ карданд.
