ЁВОН. Дар доираи Соли шинохти бештари манфиатҳои миллӣ. Бо иштироки фаъолон, занон ва ҷавонони ташкилоти ибтидоии ба номи “Одинаев”-и маҳаллаи Одинаеви Ҷамоати шаҳраки Ёвон бо мақсади пешгирӣ аз бемории сироятии коронавирус чорабинии ҳизбӣ бо усули “хона ба хона” доир карда шуд.
Дар чорабинӣ аз ҷониби масъулин қайд карда шуд, ки соли 2021 мардуми тамаддунофари тоҷик ҷашни 30- солагии Истиқлолияти давлатиро дар фазои сулҳу ваҳдат ҷашн хоҳанд гирифт ва ин ҳама заҳмату талошҳои шабонарӯзии Пешвои миллат муҳтарам Эмомалӣ Раҳмон бо дастовардҳои назаррас истиқбол гирифтан аз ин ҷашни пурифтихори давлату миллат мебошад. Мо шаҳрвандони ватандӯстро лозим аст, дар паҳлуи Роҳбари давлат ҳамчун фарзандони содиқи Ватан истода, барои боз ҳам сазовор ҷашн гирифтани ин ҷашни муқаддас талош варзем. Инчунин, дар идома оид ба пешгирии бемории коронавирус-риояи гигенаи шахсӣ, тозагии маҳал ва истифодаи самараноки заминҳои корам ба сокинон маълумоти муфассал дода шуд.
