ҲАМАДОНӢ. Дар доираи Соли шинохти бештари манфиатҳои миллӣ. Кормандони Кумитаи иҷроияи ҲХДТ дар ноҳияи Мир Сайид Алии Ҳамадонӣ бо мақсади пешгирӣ аз бемории сироятии коронавирус бо хонандагону омӯзгорони муассисаи таҳсилоти миёнаи умумии №38 вохӯрӣ гузарониданд.
Зимни баромад масъулин қайд карданд, ки барои ҳар як давлат солимии аҳли ҷомеа зарур аст. Аз ин рӯ, мо бояд халқамонро солим нигоҳ дорем ва барои тандрустии онҳо тамоми шароитро фароҳам орем. Инчунин, риояи қоидаҳои беҳдоштӣ саломатӣ бо мақсади пешгирӣ аз бемории сироятии коронавирус таъкид карда шуд.
Дар охир ба иштирокдорон маводҳои таблиғотӣ баҳри пешгирии бемории коронавирус дастрас карда шуд.
