КӮЛОБ. Дар доираи Соли шинохти бештари манфиатҳои миллӣ. Дар толори маҷлисгоҳи муассисаи давлатии таълимии барои хонандагони болаёқати шаҳри Кӯлоб бо иштироки кормандони Кумитаи иҷроияи ҲХДТ дар шаҳри Кӯлоб хониши сиёсӣ доир гардид.
Масъулин ба сухан баромада қайд карданд, ки Пешвои миллат гуфтааст: “Бо мақсади пешгирии ҷавонон аз гурӯҳҳои тундрав сохтору мақомоти марбутаро зарур аст, ки дар роҳи ташвиқу тарғиби тундгароии динӣ садди устувор гузошта, ҷавононро ба ҳушёриву зиракӣ ҳидоят кунанд ва онҳоро дар руҳияи садоқат ба халқу Ватан ва эҳтиром ба арзишҳои умумиинсонӣ тарбия намоянд”. Дар ин росто дар руҳияи баланди миллӣ, садоқат ба давлату миллат, таҳаммулгароӣ, ватандӯстиву хештаншиносӣ ва пос доштани арзишҳои миллӣ тарбия намудани ҷавонон вазифаи муҳимтарини ҳамаи сохтору мақомот ва аҳли ҷомеа мебошад.
