ВОСЕЪ. Дар доираи Соли шинохти бештари манфиатҳои миллӣ. Ҷиҳати таблиғу ташвиқи Барномаи ҲХДТ ва Паёми навбатии Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар деӽаи Ғофилободи ҷамоат деӽоти ба номи М. Вайсов бо иштироки кормандони масъули Кумитаи ичроияи ХХДТ дар ноӽияи Восеъ вохӯрӣ баргузор гардид.
Зимни вохӯрӣ масъулин қайд карданд, ки ба хотири ҳалли масоили марбут ба об дар сатҳи ҷаҳонӣ бо ташаббуси Ҷумҳурии Тоҷикистон Маҷмааи умумии СММ бо ҳамовозии аксари кулли кишварҳои узви созмон дар бораи Даҳсолаи байналмилалии амал “Об барои рушди устувор, солҳои 2018-2028” қатънома қабул намуд. Ин иқдом аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рафти Форуми 7 - уми ҷаҳонии об дар Ҷумҳурии Корея ироа шуда буд. Бори дигар собит шуд, ки Сарвари давлати тоҷикон ҳамчун сиёсатмадори сатҳи ҷаҳонӣ баробари хизматҳои таърихӣ дар назди халқу Ватани худ ба мушкилоти тамоми аҳли башар пайваста таваҷҷуҳ зоҳир менамоянд. То кунун чанд ташаббуси дигари Президенти мамлакат доир ба дарёфти роҳҳои бартарафсозии мушкилоти об ва масъалҳои дигари глобалӣ аз ҷониби ҷомеаи ҷаҳонӣ хуш пазируфта ва татбиқ гардидаанд.
