Ҷ.БАЛХӢ. Дар доираи Соли шинохти бештари манфиатҳои миллӣ. Дар ташкилоти ибтидоии «Чорсу»-и Ҷамоати деҳоти Узуни ноҳияи Ҷалолиддини Балхӣ Аксияи ҳизбӣ таҳти унвони «Якҷоя ҳал мекунем!» баргузор гардид.
Дар чорабинӣ тариқи ҳашари дастаҷамъона ҷойҳои таъмирталаби майдончаи варзишии маҳалла бо ҷалби аъзо ва ҷонибдорони ҲХДТ таъмир карда шуд. Дар қисмати сиёсии чорабинӣ бошад намояндагони ҳизбӣ қайд намуданд, ки ҳадаф аз доир намудани ин гуна чорабиниҳо барои баланд бардоштани масъулияти шахрвандии сокинон, ҷалби ҳарчӣ бештари онҳо дар пешбурди корҳои ободониву созандагӣ ва истикболи шоиста аз 30 – солагии Истиқлолияти давлатии Ҷумҳурии Тоҷикистон мебошад.
