НОРАК. Дар доираи Соли шинохти бештари манфиатҳои миллӣ. Доир ба таблиғу ташвиқи Паёми Пешвои миллат муҳтарам Эмомалӣ Раҳмон ва Барномаи пешазинтихоботии ҲХДТ дар ташкилоти ибтидоии “Амонатбонк”-и шаҳри Норак вохӯрӣ доир гардид.
Дар мулоқот аъзои гурӯҳи таблиғотӣ ҷиҳати шарҳу тавзеҳи Паёми навбатӣ суханронӣ намуда, иброз доштанд, ки дар Паёми Пешвои миллат бурду бохти тамоми соҳаҳо таҳлил гашта, вазифаҳо барои соли 2020 мушаххас гардиданд.
Дар идомаи суҳбат масъулон оид ба барномаи пешазинтихоботии ҲХДТ баромад намуда, иброз доштанд, ки барномаи мазкур аз ҳадафҳои асосии барномавии ҳизб сарчашма гирифта, ҳамчун ҳуҷҷати раҳнамо вазифаи ҳар як узви ҳизбро ҷиҳати рушди иқтисодиёт ва беҳбудии ҳаёти иҷтимоӣ, сиёсӣ ва фарҳангии кишвар муайян менамояд.
