Ҷ.БАЛХӢ. Дар доираи Соли баланд бардоштани масъулияти шаҳрвандӣ. Бо мақсади аз байн бурдани зуҳуроти номатлуб дар байни ҷавонон, пешгирии онҳо аз шомилшавӣ ба гурӯҳҳои ифротгаро, баланд бардоштани маърифати ҳуқуқӣ ва сиёсии онҳо, муқаддас донистани Ватан-Модар, сулҳ ва дигар арзишҳои миллӣ дар муаасисаи таҳсилоти миёнаи умумии №15-и Ҷамоати деҳоти Маданияти ноҳияи Ҷалолиддини Балхӣ бо аъзои намояндагии ТҶҶ «Созандагони Ватан» вохӯрӣ баргузор гардид.
Дар суҳбат намояндагони Кумитаи иҷроияи ноҳиявии ҲХДТ иштирок дошта, оид ба таълиму тарбияи насли наврас ва ҷалби онҳо ба донишгоҳу донишкадаҳои олии кишвар ва берун аз он, аз худкунии забонҳои хориҷӣ, технологияҳои замонавӣ, ҳифз ва эҳтиром гузоштан ба рамзҳои давлатӣ, муқаддасоти миллӣ ва дастовардҳои даврони Истиқлолият ибрози андеша намуда, ҷавононро ба ватандӯстиву худогоҳии миллӣ раҳнамоӣ карданд.
