Ҷ.БАЛХӢ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии «Чикалов»-и Ҷамоати деҳоти Фрунзеи ноҳияи Ҷалолиддини Балхӣ маҷлиси ҳисоботӣ-интихоботӣ баргузор гардид.
Дар маҷлис намояндагони Кумитаи иҷроияи ҲХДТ дар ноҳияи Ҷ. Балхӣ иштирок намуда, ҳисоботи раиси ташкилоти ибтидоӣ оид ба натиҷаи фаъолияти ташкилот, интихоби вакилон ба Конференсияи ноҳиявии ҲХДТ-баррасӣ шуданд.
Сипас, масъулин дар бораи самтҳои афзалиятноки фаъолияти ҲХДТ, аз ҷумла масъалае, ки ҷомеаи имрӯзаро ба ташвиш овардааст - бемории сироятии ВНМО андешаронӣ карда, афзуданд, ки дар баробари дигар омилҳои хатарзо ба генафонди миллат паҳншавии бемориҳои сирояткунанда, махсусан бемориҳои ВНМО/АНМО ва Гепотити С бисёр ташвишоваранд. Аз ин рӯ донистани бемориҳо, роҳҳои гузариш, пешгирии онҳо амри зарурӣ буда, худ ва наздиконатонро аз ин бемории марговар эҳтиёт намоед.
