БОХТАР. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Бойгонии вилоят” хониши сиёсӣ доир карда шуд.
Дар вохӯрии мазкур намояндагони ҳизбӣ иштирок дошта, дар бораи самтҳои афзалиятноки фаъолияти ҲХДТ, махсусан оид ба баланд бардоштани сатҳи огоҳии мардум дар мавриди хатари терроризму экстремизм бо мақсади пешгирӣ аз ҷалби шаҳрвандон ба ташкилотҳои экстремистиву террористӣ андешаронӣ карда, зикр намуданд, ки механизми сӯистифодаи дин аз тарафи экстремистону террористон маълум аст як гурӯҳ ҷангҷӯёнро бо пардохти маблағҳои калон гирд меоранд ва беибо тамоми амалҳои ваҳшиёнаву ғайриинсониро зери кадом шиори диние, ки хоҳанд амалӣ мекунанд ва пушти ақидаҳои динӣ ҷиноятҳои содиркардаашонро пинҳон дошта, ҳамаи инро аз қонуни шариат мегӯянд. Бо ин мақсад моро лозим аст, бар зидди ҳизбу ҳаракатҳои ифротӣ муборизаи беамон бурда, Ватани азизамонро аз ин падидаҳои номатлуб эмин нигоҳ дорем.
