ҚУБОДИЁН. Дар доираи Соли баланд бардоштани масъулияти шаҳрвандӣ. Бо мақсади дастгирии оилаҳои шахсоне, ки дар роҳи барқарорсозии сулҳу суботи кишвар ҷони худро нисор намудаанд дар доираи амалигардонии Аксияи ҳизбӣ таҳти унвони “Якҷоя ҳал мекунем!” бо дастгирии ташкилоти ибтидоии Ҷамоати деҳоти ба номи Носири Хусрав ба оилаи Қодировҳо кумаки моддӣ расонида шуд.
Фарзанди Қодиров Тӯхта, Норимбекзода Фаридун ҳангоми адои хизмат дар сафи Қувваҳои Муссалаҳи Ҷумҳурии Тоҷикистон соли 2010 дар воқеаҳои водии Рашт ҷони худро бохтааст.
Дар рафти вохӯрӣ модари ғамгусор аз иқдоми пешгирифтаи Кумитаи иҷроияи ноҳиявии ҳизб ва ташкилоти ибтидоии мазкур барои пос нигоҳ доштани номи неки фарзандаш Норимбекзода Фаридун изҳори миннатдорӣ намуда, шукргузорӣ аз давлати тинҷу ором ва сиёсати ғамхоронаи Сарвари давлат муҳтарам Эмомалӣ Раҳмон намуд.
