БОХТАР. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “НИХИ” оид ба татбиқи амалии Аксияи ҳизбии “Якҷоя ҳал мекунем!” ва самтҳои афзалиятноки фаъолияти ҲХДТ хониши сиёсӣ баргузор шуд.
Раиси Кумитаи иҷроияи ҲХДТ дар шаҳри Бохтар Наҷидуллоев Тавакал дар бораи дастуру супоришҳои Роҳбарияти Олии ҲХДТ андешаронӣ карда, афзуд, ки Ҳукумати Тоҷикистон ба фаъолияти соҳибкорӣ дар кишвар таваҷҷуҳи беандоза дорад. Раиси муаззами ҲХДТ муҳтарам Эмомалӣ Раҳмон доимо аз соҳибкорони бонангу номуси мамлакат даъват менамоянд, ки ҳамеша амалҳои хайру савобро дар ҳаққи шахсони ниёзманд, анҷом диҳанд. Мо мардуми шарафманди тоҷик ҳидоятҳои Роҳбари давлатро ҳамаҷониба дастгирӣ ва ҷонибдорӣ намуда, барои дар амал татбиқ намудани онҳо тамоми имкониятҳои мавҷударо равона намоем.
