ХУРОСОН. Дар доираи Соли баланд бардоштани масъулияти шаҳрвандӣ. Бо иштироки кормандони масъули Кумитаи иҷроияи ҲХДТ дар ноҳияи Хуросон дар ташкилоти ибтидоии «Маорифчиён» атрофи самтҳои афзалиятноки фаъолияти ҲХДТ ва татбиқи қисмати тарғиботию амалии Аксияи ҳизбӣ таҳти унвони «Якҷоя ҳал мекунем!» вохӯрӣ баргузор гардид.
Масъулини ҳизбӣ вобаста ба дастуру супоришҳои мақомоти болоии ҲХДТ, аз ҷумла соҳаи муҳимтарин дар ҷомеаи имрӯза мактабу маориф андешаҳои хешро баён намуда, аз кормандони соҳаи маориф даъват ба амал оварда шуд, ки дар таълиму тарбияи насли наврасу ҷавон аҳамияти ҷиддӣ зоҳир карда, дар пешрафти илму маориф саҳми муносиб гузоранд.
