ЁВОН. Дар доираи Соли баланд бардоштани масъулияти шаҳрвандӣ. Дар ташкилоти ибтидоии ҶДММ «Хима-текстил» атрофи самтҳои афзалиятноки фаъолияти ҲХДТ ва дастгириву дар амал татбиқ намудани Аксияи ҳизбӣ таҳти унвони «Якҷоя ҳал мекунем!» хониши сиёсӣ баргузор гардид.
Дар рафти ҷаласа намояндагони Кумитаи иҷроияи ҲХДТ дар ноҳияи Ёвон доир ба самтҳои афзалиятноки фаъолияти ҲХДТ ва дигар масъалаҳои мубрами рӯз баромад намуда, дар партави Қарори раиси вилояти Хатлон “Дар бораи чораҳои тақвият бахшидани ҳифзи иҷтимоӣ ба ниёзмандон” ва дар доираи қисмати амалии Аксияи ҳизбӣ таҳти унвони «Якҷоя ҳал мекунем!» аз ҷониби роҳбарияти муассисаи мазкур ба се нафар кормандони корхона аз оилаҳои ниёзманд ба маблағӣ 150 сомонӣ кӯмаки яквақтаи молиявӣ расонида шуд.
