КӮЛОБ. Дар асоси нақшаи чорабиниҳо дар самти тарбияи ҳарбӣ – ватандӯстии ҷавонон ва ихтиёран сафарбар гардидан ба хизмати ҳарбӣ  масъули Кумитаи иҷроияи ҲХДТ дар шаҳри Кӯлоб дар муассисаҳои таҳсилоти миёнаи умумӣ ва олии касбӣ   хонишҳои сиёсӣ баргузор гардида истодааст.

ЁВОН. Бо мақсади сазовор таҷлил намудани “Рӯзи Модар” ва эҳтиром гузоштан ба модарон аз ҷониби Кумитаи иҷроияи ҲХДТ дар ноҳияи Ёвон миёни донишҷӯён ва хонандагони синфҳои болоии муассисаҳои таълимии ҳудуди ноҳия озмуни иншои беҳтарин дар мавзӯи “Модар яктост – Тоҷикистон якто” эълон карда шуд. Аз ҷониби довталабон зиёда аз 50 иншо дар мавзӯи мазкур ба унвонии сохтори ноҳиявии ҳизб пешниҳод гардид.

БОХТАР. Бахшида ба Рӯзи Модар миёни бонувони маҳаллаи Зарбдори шаҳри Бохтар озмуни “Беҳтарин бонуи нонпаз” доир гардид. Шартҳои озмуни мазкур аз  тарзи омода намудан, ороиши нон, пухтан ва пешниҳод намудани он иборат буд. Дар озмуни ҳизбӣ занону духтарони маҳалла фаъолона иштирок намуда, Азамова Фароғат, Мунаварова Гулноза ва Пиракова Марзия ба гирифтани ҷойҳои ифтихорӣ сазовар гардиданд.

АНДЕША. Зан – Модар, офарандаи ҳаёти инсон  дар рӯи замин пеши  назар меояд. Ба оғози фасли шукуфтанҳо рост омадани  иди модарон низ нишонаҳои рамзӣ  дорад. Рӯзи модаронро чун зебогиҳояш дӯст медорему фарорасиашро бесаброна интизорӣ мекашем. Тоҷикистонро биҳишти рӯи замин мегӯем ин аст, ки Ватани офтобии мо дар арафаи Рӯзи Модарон аз замини муқаддаси он нахлу рустаниҳои зебо сар кашида, чун туҳфа ба модарон ғунча мешукуфонанд.